Rammusáttmálin við bretar liðugur

Uppskotið um rammusáttmála um fiskiskap við Bretland er liðugt.

Tað skal í Uttanlandsnevndina hjá løgtinginum týsdagin, tá Jacob Vestergaard, landsstýrismaður, skal ráðføra seg við nevndina.

Síðani skal rammusáttmálin skrivast undir, og so skal hann til góðkenningar í løgtinginum og í parlamentinum í London.

Tá rammusáttmálin er góðkendur, skulu londini samráðast um, hvussu nógv tey sleppa at fiska hvørt hjá øðrum.