- Tíðindi, mentan og ítróttur
Fleiri enn ein millión smittað í Spania
Fleiri enn ein millión smittað í Spania
Umleið 35.000 fólk eru deyð í Spania, síðani smittan fyrstu ferð varð staðfest 31. januar
![](https://kvf.fo/sites/default/files/styles/grein-ovasta-mynd/public/spania_og_korona.jpg?itok=IvSNtQ7C)
Spania er sætta landið, sum hevur fleiri enn eina millión fólk smittað av koronu
22.10.2020 - 15:33
Í Spania eru nú fleiri enn ein millión fólk smittað av kornavirusi, og Spania er samstundis fyrsta landið í Evropa, har fleiri enn ein millión eru smittað.
Tað upplýsir spanska heilsumálaráðið.
Seinasta samdøgrið eru fleiri enn 17.000 fólk smittað, og tí arbeiða myndugleikarnir við at herða krøvini.
Næstan 35.000 fólk í Spania eru deyð av koronu, síðani smittan fyrstu ferð varð staðfest á einari av kanarisku oyggjunum, La Gomera, 31. januar.
47 millónir fólk búgva í Spania, og landið er tað sætta, sum hevur gjørt upp, at fleiri enn ein millión eru smittað.
Hini londini eru USA, India, Brasil, Russland og Argentina.
Nýggjastu sendingar í ÚV
Nýggjastu sendingar í SV