Skriva undir rammusáttmálan í morgin

Í morgin verður rammusáttmálin um fisk millum Føroyar og Bretland undirskrivaður á bretsku sendistovuni í Keypmannahavn.

Jacob Vestergaard, landsstýrismaður, fer til Danmarkar at skriva undir.

Síðani verður uppskot til samtyktar lagt fyri løgtingið, men Uttanlandsnevndin hjá løgtinginum tók tó undir við sáttmálanum í gjár.

Samráðingar verða so við Bretland í desember um tølini, sum skulu í rammuna, sigur Jacob Vestergaard.

Tað kann gerast ein snávingarsteinur, at Bretland og ES ikki eru samd um Brexit enn, sigur hann.