Semingsstovnurin hittir sjúkrarøktarfrøðingarnar

Semingsstovnurin fór fyrrapartin á fund við Felagið Føroyskir Sjúkrarøktarfrøðingar um verkfallið á almenna arbeiðsmarknaðinum. 

Ósemjan millum Lønardeildina hjá Fíggjarmálaráðnum og sjúkrarøktarfrøðingarnar versnaði í gjár, tá fakfelagið setti sum treyt, at skuldu undantøkini í verkfallinum leingjast, skuldi Sjúkrahúsverkið rinda felagnum 200 krónur fyri hvønn arbeiðstíma hjá sjúkrarøktarfrøðingum, sum høvdu fingið undantak. 

80.000 kr. um samdøgrið

Leiðslan í Sjúkrahúsverkinum tók ikki undir við treytini. Leiðslan segði, at hetta hevði kostað 80.000 krónur um samdøgrið. 

Og eina løtu valdaði ruðuleiki í sjúkrahúsverkinum, tá nakrir sjúkrarøktarfrøðingar fóru av verkfalsraktu deildunum, og tænastumenn, flestu yvirlæknar, vórðu boðsendir til arbeiðis.

Men klokkan hálvgum seks í gjárkvøldið játtaði Felagið Føroyskir Sjúkrarøktarfrøðingar at leingja undantøkini til klokkan trý seinnapartin í dag.