Neyðugt við meira hjálp til ferðavinnuna

Vilja politikararnir framvegis hava eina ferðavinnu í Føroyum, so noyðast teir at veita meira hjálp.

Tað sigur stjórin í Fonn Flog, Sakaris Frederiksen.

Freistin at søkja úr hjálparpakka 3 er farin, og 47 umsóknir eru komnar. 40 milliónir krónur eru settar av í hesum hjálparpakkanum, og hvørt samtak kann fáa í mesta lagi 10 milliónir kr.

Afturgongdin hjá Fonn Flog var nærum 90 prosent í vár og í summar.