Útlendsk ferðafólk virða ikki skelti og ávaringar

Ferðafólkatalið í Føroyum er vaksið nógv seinastu árini, og flestu vitjanir ganga væl.

Men tað eru summi ferðafólk, sum ikki fylgja boðum og mannagongdum, ið eru galdandi í ferðavinnuni. Tey virða ikki skelti og ávaringar og kunnu koma sær í óføri, um illa vil til.

Tað sigur Jógvan Hovshólm, stovnari og stjóri av Faroway Adventures, sum hevur arbeitt í ferðavinnuni í 25 ár:

Jógvan Hovshólm - mynd av Facebook-vanga

Visit Faroe Islands hevur í seinastuni arbeitt við verkætlanini „Please Visit Responsibly“, sum skal eggja ferðafólki at vísa hógv og ferðast ábyrgdarfult, tá ið tey eru í Føroyum. Verkætlanin hevur gjørt mun, sigur Jógvan Hovshólm, men boðskapurin røkkur ikki út til øll ferðafólk:

Í Mykinesi hava tey í fleiri ár havt ferðaleiðarar á staðnum, sum hava heimild at vegleiða og steðga ferðafólki, so tey ikki ganga har, tey ikki eiga. Sambært Jógvani Hovshólm kundi hetta verið ein loysn, sum eisini kundi verið roynd á øðrum ferðamálum: 

Vit hava eisini tosað við Guðrið Højgaard, stjóra í Visit Faroe Islands, men hon hevði ikki hug at gera viðmerking.