Tóra Petersen trivnaðarráðgevi á Námi

Nám hevur sett Tóru Petersen, sálarfrøðing, í nýggja starvið sum trivnaðarráðgevi.

Henda mánaðin arbeiðir Tóra Petersen hálva tíð, men eftir 1.desember er hon tøk fulla tíð at ráðgeva skúlaleiðslum í, hvussu tær skulu menna trivnaðin í fólkaskúlanum. 

Starvið er ein verkætlan í trý ár. 

Økið er nýtt, men støðið í arbeiðinum og tænastuni hjá Tóru Petersen verður tikið í frágreiðingum og tilmælum í sambandi við kanningina um happing, sum varð gjørd í fjør, sigur Nám.