Trý fólk hava koronu

Trý fólk í Føroyum hava framvegis koronu. Eingin smittutilburður varð staðfestur mánadagin, tá 164 kanningar vórðu gjørdar. Níggju fólk eru í sóttarhaldi.

Síðani 30.oktober, tá ein smittutilburður varð staðfestur, hava tríggir tilburðir verið í Føroyum, ein 7. november og tveir 14. november.

498 fólk eru staðfest smittað í Føroyum, síðani korona kom higar fyrst í mars.