Húsavíkar kommuna minnir løgtingið á brimskaðan

Húsavíkar kommuna hevur mint á skrivið til løgtingsfólk og landsstýrisfólk, sum hon sendi fyrst í juni, um skaðarnar, sum uppgangur gjørdi í Húsavík og í Dali.

Bygdarráðið hevur biðið Fíggjarnevndina, sum viðger uppskotið um fíggjarlóg fyri 2021, um vælvild.

Skaðan, sum lendingin og brimverjan í Dali fingu í 2017, hevur Landsverk mett at kosta níggju milliónir krónur at umvæla.

Ein millión brúkt

Húsavíkar kommuna hevur longu brúkt eina millión krónur til bráðneyðugar umvælingar í Húsavík.  

Álíkningin hjá kommununi er tríggjar milliónir krónur.

Kommunan hevur bundið seg til at fáa sóttreinsað vatn og gera kloakk.

Sí samrøðu við fráfarandi borgarstjóran í Húsavíkar kommunu, Brynhild Sørensen, sum varð gjørd kommunuvalkvøldið, her