Framvegis eingin smittutilburður

Heldur ikki í gjár var nakar smittutilburður av koronu staðfestur, vísa nýggjastu tølini hjá Landslæknanum. 

Í gjár vórðu 664 kanningar gjørdar, og allar kanningarnar eru liðugt greinaðar. Í alt eru 163.443 kanningar gjørdar.

Tilsamans hava 498 fólk fingið staðfest smittuna í Føroyum. 495 eru vorðin frísk aftur, og sostatt eru trý fólk eru smittað í løtuni.

Eingin er í løtuni innlagdur við koronu.