Truplar makrelsamráðingar

Antin skulu Føroyar og Bretland semjast um eina avtalu ella skullu ES og Bretland.

Strandalandasamráðingar vóru í gjár millum Føroyar, ES og Noreg, um at býta makrelin fyri næsta ár. Men tað eydnaðist ikki at finna semju á hesum fundinum. 

Tó eru londini samd um at halda seg til tilmælið hjá ICES um mestu loyvdu veiðu í 2021.

Tilmælið hjá ICES fyri 2021 er góð 850.000 tons, átta prosent minni enn tilmælið var fyri 2020. 

Makrelsemjan, sum Føroyar, ES og Noreg gjørdu í 2014, fer úr gildi á nýggjárinum.

Avgerandi fyri Føroyar er, at Føroyar sleppa í bretskan sjógv at fiska makrel.

Bretland fer úr ES á nýggjárinum, men eingin avtala er gjørd millum partarnar enn.

Á fundinum í gjár varð avtalað, at Føroyar hava formansskapin í makrelsamráðingunum næsta ár.