Hava biðið um góðkenning til koppingarevni

Heilivágsfyritøkurnar, Pfizer og BioNTech, hava biðið evropeiska heilivágsstovnin um fyribils góðkenning til covid-19 koppingarevni.

Tað boða fyritøkurnar frá í dag, sambært Reuters.

20. november bóðu fyritøkurnar um góðkenning frá amerikansku myndugleikunum, men góðkenningin er ikki komin enn. 

Pfizer og BioNTech siga, at koppingarevni hjá báðum fyritøkunum verjir í 95 prosentum av førunum fyri koronasmittu.