Barsilstíðin verður eitt ár og inngjaldið hækkar

Løgtingið tekur undir við at leingja barsilsfarloyvið fýra vikur og hækka inngjaldið í Barsilsskipanina úr 0,71 prosentum upp í 0,86 prosent.

Ein samd Vinnunevnd tekur undir við uppskoti landsstýrisins.

Tá nevndin viðgjørdi uppskotið, kom fram, at eftirlønin av barsilspengum er ikki útreiðsluførd í rakstrinum hjá Barsilsskipanini.

Hetta ger, at Barsilsgrunnurin ikki er kravdur eftir øllum pengunum, sum Barsilsskipanin hevur goldið út. 

Eitt ár

Barsilstíðin verður nú 52 vikur.

Vinnunevndin finst at, at lógaruppskotið um broytingar í Barsilsskipanina ikki varð sent til hoyringar, hóast tað stendur í løglistanum, sum tingið fekk longu á ólavssøku.

Nevndin mælir til, at Barsilsskipanin verður gjørd enn betri og meira tíðarhóskandi. Hetta skal gerast saman við pørtunum á arbeiðsmarknaðinum.