Umhugsa nú at herða tiltøkini í Føroyum

Samstundis sum tiltøkini móti koronu verða herd munandi í Danmark, umhugsa føroyskir myndugleikar eisini møguleikan at seta strangari tiltøk í verk.

Hetta er tíðin, tá nógvir útisetar koma heim at ferðast, og teir skulu vera vælkomnir, sigur Bárður á Steig Nielsen, løgmaður.

Men hann sigur seg vera ørkymlaðan um, at smittutilburðir nú eisini verða staðfestir sætta dagin eftir komu til landið.

Tí hevur løgmaður biðið landslæknan, formannin í farsóttarnevndini og landsstýrismannin í heilsumálum koma á fund í morgin. Teir fara at viðgera spurningin, um fleiri tiltøk skulu setast i verk millum fyrsta og sætta dag, eftir at fólk er komið til landið.