Fimm koronutilburðir í gjár

Fimm koronutilburðir vórðu staðfestir í gjár, vísa nýggjastu tølini hjá Landslæknanum. 

Fýra eru partur av smittuketu, sum Landslæknin fylgir. Tann fimti er komin til Føroya úr útlondum, og fekk staðfest smittuna í kanningini, tá ið viðkomandi kom til landið.

Í gjár vórðu 614 kanningar gjørdar, og allar kanningarnar eru liðugt greinaðar. Nú eru gjørdar tilsamans 172.978 kanningar.

Í løtuni eru tilsamans 16 fólk smittað. Eingin er lagdur inn á sjúkrahús við koronu.