Kommunustýrisskipanin í Havn verður broytt

Tórshavnar býráð hevur einmælt samtykt at broyta kommunustýrisskipanina.

Uppskotið skal hava tvær viðgerðir á býráðsfundi. Tann seinna verður um minst 14 dagar.

Uppskotið eigur meirilutin í býráðnum, sum nú er Javnaðarflokkurin og Sambandsflokkurin.

Eldranevndin fær nýtt navn og skal eita Heilsu- og eldranevndin.

Skúlaøkið verður flutt frá Mentamálanevndini til Trivnaðarnevndina.    

Vinnunevndin verður nýggj nevnd undir Fíggjarnevndini, og føst Havnarnevnd kemur í staðin fyri Vinnunevndina.

Kommunustýrisskipanin fyri Tórshavnar kommunu er frá 2001.

Hon varð seinast broytt í 2017.