Netbankin seinkaður

Tað verður neyvan fyrr enn í heyst, at føroyskir netbankakundar sleppa at brúka Samleikan at rita inn við.

Samleikin varð alment tikin í nýtslu í oktober í fjør, og nýggi netbankin hjá peningastovnunum skuldi eftir ætlan vera klárur at taka í nýtslu tíðliga í ár, men hann er seinkaður.

- Netbankin er seinkaður, og talgildi Samleikin lýkur í løtuni ikki lógarkrøvini, sum eru áløgd, sigur Árni Ellefsen, formaður í Felagnum føroyskir peningastovnar.