Skelti í Hoyvík vorðið partur av stríði á Wall St.

Stríðið millum lítlar íleggjarar og stór íløgufeløg um Gamestop-partabrævið hevur flutt seg út um Wall Street í New York.

Tað er eisini komið til Føroya.

Í øllum førum hevur onkur ónevndur bílagt pláss á lýsingarskeltinum við Hvítanesvegin í Hoyvík við einum boðskapi til allar íleggjarar um at halda fast.

Og myndin av skeltinum hevur eisini fingið bein at ganga á millum brúkarar á kjakforuminum Reddit, har stríðið byrjaði.

Lýsingin á húsavegginum var at síggja fríggjadagin; men er sunnudagin horvin aftur.