Bjóða út grundstykki til íbúðarbygging

Bygningarnir skulu minsta lagi vera í trimum hæddum. 59 stykki eru í útstykkingini í Leitinum til sethús, og so eru sjey stór stykki.

Stóru stykkini eru millum 1.200 og 1.800 fermetrar, tilsamans 10.500 fermetrar, og tey eru ætlað til íbúðir.

Ein treyt er, at íbúðarbygningarnir skulu hava parkeringarkjallara. Ein onnur treyt er, at arbeiðast skal við alternativari hitaskipan, so sum jarðhita.

Grundstykkini kosta 750 krónur fyri fermeturin. Harumframt skulu 20.000 krónur gjaldast fyri hvørja búeind, tá ið byggiloyvið verður avgreitt.