Fróði Hansen við nýggjum sangi....og eftirlýsing

Fróði Hansen er sonur Hans Karl Hansen, sála. Hans Karl spældi gittar í bólkinum Straight Ahead, og nú eftirlýsir Fróði gittaran, sum pápin brúkti til at innspæla tiltiknu "veðraplátuna". Talan er um ein "trælittan" Fender Stratocaster við svartari slagplátu. Hevur tú kennskap til gittaran, kanst tú venda tær til Fróða ella seta teg í samband við Leiv Thomsen á leivurt@kvf.fo. Sí mynd niðanfyri av Hans Karl við gittaranum. Fróði greiðir í innslagnum frá nýggjum lagi, sum hann kallar "Sirius Sirius". Sangurin er bæði uppkallaður eftir syni Fróða, sum eitur Sirius, og einum lagi hjá Straight Ahead, har pápin spældi solo. Hoyr Fróða greiða frá um samstarvið við heimskendan framleiðara.