Tað var bretska koronufrábrigdið

Nú er staðfest, at tað er bretska frábrigdið av koronu, sum varð funnið á flogvøllinum í Vágum sunnudagin.

Fyrsta kanningin, tann á flogvøllinum, vísti seg at vera veikt positivt. Nýggj kanning varð gjørd mánadagin. Og tá var eingin ivi, sigur landslæknin.

Øll ferðafólkini, sum vóru við flogfarinum sunnudagin, eru kunnað og mint á tilmælini um heimauppihald. Landslæknin hevur eisini biðið tey um at vera sera ansin næstu dagarnar.

Kanna seg fjórða dagin

Afturat vanligu tilmælunum eru fólkini, sum sótu nær tí smittaða, biðin um at lata seg kanna fjórða dagin. 

Bretska frábregdið er staðfest einaferð áður í Føroyum.Tað er ikki so løgið, at bretska frábregdið nú kemur til Føroya. Tí tað er nógv tað mest vanliga í Danmark.

Onnur tiltøk enn tey, sum longu eru sett í verk, verða ikki gjørd, nú tað er staðfest, at bretska frábrigdið fyri aðru ferð er komið til Føroya, sigur landslæknin.