SSL-leiðslan meldað til løgregluna

Maud Wang Hansen úr Nólsoy vildi ikki sita hendur í favn longur, tá tað enn einaferð var galið umborð á Erlu Kongsdóttir í gjáramorgunin.  

- Eg ringi til løgregluna eftir tilburðin í gjáramorgunin og boðaði henni frá, at eg helt ikki, at leiðslan í SSL tók ábyrgd fyri ferðafólkunum umborð á Erlu Konsdóttir, greiðir Maud Wang Hansen frá.

Maud Wang Hansen vísir á, at eingin frágreiðing er skrivað eftir fyrra tilburðin umborð á Erlu Kongsdóttir, tá fleiri rútar brotnaðu, og skipið átti ikki at verið sett aftur í sigling, fyri enn ein endaliga frágreiðing var liðug. 

Tað er ikki í ordan, at SSL-leiðslan setir Erlu Kongsdóttir aftur í sigling uttan at vita, hvat er galið við skipinum. 

- Eg kann ikki sita hendur í favn longur og hyggja at, tí fólk fáa sálarligt mein av bæði hendingunum og støðuni.