Nýggjur kommunulækni á Tvøroyri

Knud Rasmussen tók embætisprógv í læknafrøði í 1983 frá lærda háskúlanum í Aarhus. Í 1989 gjørdist hann serlækni í almennum medisini. 

Hann hevur drúgvar royndir sum lækni, millum annað á Tvøroyri, har hann hevur arbeitt nakrar ferðir seinastu tvey árini, skrivar Heilsutrygd.

Signar Dam, sum hevur verið kommunulækni í Suðuroynni í næstan 50 ár, fór mánadagin frá fyri aldur. Hann er 84 ár.