Kann enda sum politimál

Í sendingini "Teir ómettiligu", sum varð send her í kringvarpinum týskvøldið, varð víst á, at eitt felag í FAS, føroysku altjóða skipaskránni, verður brúkt til at sleppa undan at rinda skatt í Namibia. Tað er TAKS, sum hevur eftirliti við, at tílíkt ikki skal henda.

– Mín fyrsti tanki var, at hetta er eitt "lorta mál", sigur Eyðun Mørkøre, stjóri í TAKS.

TAKS fer nú at kanna ítøkiliga málið, har roynt hevur verið at sleppa undan at rinda skatt.

– Vit hava ongantíð áður sæð líknandi mál. Enn er ov tíðliga at gera nakra ítøkiliga niðurstøðu, men tað er ikki óhugsandi, at málið endar sum eitt politimál, sigur Eyðun Mørkøre.