Eingin fiskirættindaavtala við bretar í ár

Eingin fiskirættindaavtala verður gjørd millum Føroyar og Bretland í ár, men semja er um at byrja samráðingar í heyst um eina avtalu fyri næsta ár.

Tí setur Jacob Vestergaard, landsstýrismaður í fiskivinnumálum sítt álit á, at samráðingarnar um makrelin, sum verða aftur í apríl, fara at enda við, at londini eisini semjast um at fiska makrelin í sjóøki hjá hvør øðrum.