FA: Landingar uttanlands eru ein gøla

Føroya Arbeiðarafelag kallar tað eina gølu, at føroysk skip nú sleppa at selja 15 prosent av veiðuni uttanlands.

- Fólk á landi skulu eisini hava ágóðan av tí fiski, sum føroyingar eiga undir Føroyum, sigur felagið.

Landsstýrið sigur hinvegin, at hetta verður gjørt fyri neyvari at fáa at vita, hvat veruligi avreiðingarprísurin er, so tilfeingisgjaldið kann vera so rætt sum gjørligt.

Men ta grundgevingina góðtekur Føroya Arbeiðarafelag ikki.

Hoyr Georg F. Hansen, formann í FA, í útvarpstíðindunum.