India sett nýtt keðiligt met

Við 401.993 smittaðum fólkum seinasta samdøgrið, hevur India sett nýtt met. Tað er ikki bara hægsta talið av smittaðum í einum samdøgri í India. Tað er eisini hægsta talið í øllum londum í heiminum.

Samstundis eru 3.523 fólk deyð við koronu í India seinasta samdøgrið, skrivar Reuters.

India er eisini rakt av ólukkum. 18 fólk doyðu, tá ið eldur kom í eitt sjúkrahús, har bara covid-19 sjúklingar lógu. Herfyri doyðu 12 fólk á einum øðrum sjúkrarhúsi, eisini eftir at eldur kom í, og á einum triðja sjúkrahúsi var einki ilt eftir, og har doyðu 23 fólk.