- Tíðindi, mentan og ítróttur
Føroyskur fiskur lýkur ES-krøv
Føroyskur fiskur lýkur ES-krøv
Veterineravtalan ger, at føroyskur fiskur kann fara í fría umferð í øllum ES uttan heilsuváttan
Niðurstøðan í frágreiðingini frá ES er, at Heilsufrøðiliga starvsstovan sum heild lýkur treytirnar í veterineravtaluni
12.05.2021 - 10:49
Føroyskar fiskavørur lúka krøvini hjá ES.
Frá 13. til 29.januar kannaði ES, um Heilsufrøðiliga starvsstovan klárar at halda veterineravtaluna við ES um føroyskan fisk og føroyskar fiskavørur.
Endaliga frágreiðingin er nú komin.
Niðurstøðan er, at Heilsufrøðiliga starvsstovan sum heild lýkur treytirnar í veterineravtaluni.
Veterineravtalan ger, at føroyskur fiskur kann fara í fría umferð í øllum ES uttan heilsuváttan. Framleiðslan í Føroyum er í samsvari við ES-lóggávu.
ES-eftirlitsmyndugleikin vísir í frágreiðingini á fimm høvuðsfrávik, sum Heilsufrøðiliga starvsstovan skal viðgera og fáa í rættlag.
Millum annað skulu royktar fiskavørur kannast.
Er kopiera
Nýggjastu sendingar í ÚV
