Verður viðgjørt sum starvsfólkamál í kommununi

14.05.2021 - 18:00

Innlendis›Samfelag

Málið um arbeiðssteðgin á dagstovninum í Kollafirði verður ikki lagt fyri Fasta gerðarrættin

Aktivera javascript

Í dag vóru starvsfólk aftur til arbeiðis á dagstovninum í Kollfirði. Arbeiðssteðgurin mikudagin verður viðgjørdur sum eitt innanhýsis starvsfólkamál

Mynd: Tórshavnar kommuna

Enn er ikki greitt, hvørjar avleiðingar tað fær fyri starvsfólkini á dagstovninum Kuru í Kollafirði, at tey ikki møttu til arbeiðis mikudagin.

Málið verður ikki lagt fyri Fasta gerðatrættin, men verður viðgjørt sum eitt starvsfólkamál í Tórshavnar kommunu, sigur Anita Fuglø, leiðari í Kommunala Arbeiðsgevarafelagnum.

Tað, sum starvsfólkini gjørdu mikudagin, var eitt óheimilað stríðsstig, søgdu bæði Tórshavnar kommuna, Kommunala Arbeiðsgevarafelagið og Føroya Pedagogfelag.

Hoyr innslag í útvarpstíðindunum.