Magnus Heinason bíðar eftir keypara

Í 40 ár hevur Magnus Heinason virkað sum havrannsóknarskip hjá Havstovuni. Nú er skipið sett á sølulista og liggur í Vestmanna og bíðar eftir, um nakar vil keypa.

Magnus Heinason er til sølu fyri hægsta boð. Meklarafyritøkan Maretec stendur fyri søluni. Álvur Mortensen, stjóri, sigur við Kringvarpið, at fyrispurningar eru komnir uppá skipið, bæði úr Suðurevropa og Afrika. Men enn er einki ítøkiligt boð á borðinum.