Tríggir tilburðir aftrat

Tríggir smittutilburðir vórðu staðfestir í gjár, og nú eru 27 fólk smittað av koronu. 

Øll trý eru partur av kendari smittuketu, skrivar korona. fo

2.874 kanningar eru gjørdar seinasta samdøgrið, og nú eru gjørdar tilsamans 270.696 kanningar.

Fleiri enn 300 fólk eru í sóttarhaldi í løtuni.

515 koppsett í gjár

515 fólk vórðu koppsett í gjár. 250 fingu fyrra prikið, og 265 fólk fingu tað seinna.

30.184 koppsetingar eru nú gjørdar í Føroyum. 20.321 hava fingið fyrra prikið, tað svarar til 38,1 prosent.

9.863, 18,5 prosent, hava fingið seinna prikið, og eru liðugt koppsett.