Fingið góðkenning til nýtt aliøki við Vágalandið

Partafelagið Luna hevur fingið umhvørvisgóðkenning til eitt nýtt aliøki í Bug við Vágalandið í Vestmannasundi.

Tað er har, sum tunnilsmunnin er í Vágum.

Talan er um at víðka umhvørvisgóðkenningina, sum Luna longu hevur í Vestmannasundi.

Luna ætlar at gera eina landstøð við Oyrargjógv til nýggja aliøkið. 

Umhvørvisstovan sigur, at Heilsufrøðiliga starvsstovan og Vága kommuna hava ongar viðmerkingar um ískoytið til umhvørvisgóðkenningina hjá Luna í Vestmannasundi.

Aling hevur verið í Vestmannasundi síðani 1986.