Tinglýsingargjaldið verður lækkað

Tinglýsingargjaldið verður lækkað. 

Tað hevur samgongan sett sær fyri, og tað verður gjørt, sigur Jørgen Niclasen, landsstýrismaður.

Undanfarna samgonga hækkaði tinglýsingargjaldið upp í eitt prosent.

Beinir Johannesen, løgtingsmaður, spurdi, hvussu nógv, tað hevði kostað landskassanum, um tinglýsingargjaldið lækkaði niður í hálvt prosent.

Tað hevði kostað 25 mió. kr. um árið, svarar Jørgen Niclasen.

Í fjør var inntøkan av tinglýsingargjaldinum 51 mió. kr.