Nýggjar kunngerðir um Fróðskaparsetrið

Nýggju kunngerðirnar um Fróðskaparsetrið eru nú lýstar.

Talan er um eina samansjóðing, so reglur, sum eru fyri allar útbúgvingar, fara í tríggjar kunngerðir; eina um upptøku, eina um próvtøku og eina um útbúgvingar.

Serstakar kunngerðir eru tó um fólkaskúlalærarar, námsfrøðingar og sjúkrarøktarfrøðingar. 

Orsøkin er, at hesar útbúgvingar eru nakað øðrvísi enn útbúgvingar á Fróðskaparsetrinum annars, millum annað hava tær ein verkligan part. Harumframt venda tær sær beinleiðis til ítøkilig størv.

Kunngerðin um útbúgving til sjúkraøktarfrøðing sigur eisini, at útbúgvingin skal lúka krøvini, sum ES setir, fyri at tryggja, at føroyskir sjúkrarøktarfrøðingar framvegis kunnu løggildast.