Rætturin hjá Jenisi at nokta Skúla Scam stuðul staðfestur

Landsstýrismaðurin í mentamálum hevði sín fulla rætt til at nokta teknifilmsrøðini "Skúla Scam" filmsstuðul. Tað hevur Løgtingsins umboðsmaður staðfest

Landsstýrismaðurin í mentamálum hevði rætt til at nokta Skúla Scam filmsstuðul orsakað av málbrúkinum

Mynd: Úr SkúlaScam

Uni L. Hansen

08.07.2021 - 11:21

Løgtingsins umboðsmaður (LUM) hevur viðgjørt eina klagu um avgerðina hjá Uttanríkis- og mentamálaráðnum at nokta stuðul til filmsverkætlanina “Skúla Scam”, tí landsstýrismaðurin helt, at málbrúkið í filminum var óhóskandi.

Niðurstøðan hjá LUM er greið: Umboðsmaðurin heldur seg ikki hava orsøk at finnast at Jenisi av Rana, landsstýrismanni, sum hevur heimild at gera av hvør, ið fær stuðul

Harvið staðfestir LUM eisini, at Jenis av Rana, landsstýrismaður, hevði heimild at ganga ímóti tilmælinum frá óheftu filmsráðgevunum hjá mentamálaráðnum.

LUM mælir tó Uttanríkis- og Mentamálaráðnum at skipa arbeiðið við filmsstuðlinum betur.

>>Les alla niðurstøðuna hjá Løgtingsins Umboðsmanni