Reyði Krossur Føroyar latið hálva millión til Etiopia

Reyði Krossur Føroya hevur latið eina hálva millión til hjálparátøk í afrikanska landinum Etiopia. 

Humanitera kreppan í Tigray landslutinum í Etiopia er nógv versna seinastu tíðina, skrivar Reyði Krossur á heimasíðuni. 

Samanbrestir hava havt við sær, at ein stórur partur av fólkinum hevur tørv á bráðfeingis verju og humaniterari hjálp. 

Bæði eldri borgarar, børn og kvinnur eru í serligum vanda fyri harðskapi. Stórur tørvur er á bráðfeingis heilsutænastum, lívbjargandi útgerð, skjóli, seingjaplássum, og atgongd til vatnveitingar, reinføri og aðrar grundleggjandi tænastur, skrivar also Reyði Krossur Føroyar um støðuna í Tigray landslutinum í Etiopia. 

Harumframt eru átøkini ímóti COVID-19 tyngd og seinkað av hættisligu støðuni í landinum

Upplýst verður, at pengarnir fara eitt nú til bráðfeingis humanitera hjálp, at tillaga hjálparátøk til viðkvæmar bólkar, til sálarliga fyrstuhjálp og til at menna viðkomandi førleikar hjá Reyða Krossi í Etiopia.