83 blivu koppsett við at støkka inn

Summi fingu fyrra prikið og hini tað seinna, tá 83 fólk í øllum aldursbólkum blivu koppsett í støkk inn koppsetingini í Landssjúkrahúsinum leygardagin.

Koppsett varð í ein tíma.

Støkk inn koppseting verður í øllum trimum sjúkrahúsum í dag ella í kvøld.

Her kunna fólk blíva koppsett fyri koronu uttan at bíleggja tíð frammanundan.

Støkk inn koppseting er í Landssjúkrahúsinum í kvøld frá kl.18.30 til 19.30.

Í Klaksvík frá kl.17.00 til 18.00, og á Tvøroyri frá kl.15.30 til 16.30.

Fólk, sum hava fingið fyrra prikið, skulu ikki hava seinna prikið fyrr enn 21 dagar eru farnir. 

Enn er ikki avgjørt, um støkk inn koppseting verður aftur.