ES-avgjald fer at dýrka vørur í Føroyum

Nýggju krøvini frá ES gera tað uppaftur truplari at finna eina altjóða loysn og tí kemur hetta ikki at gagna eini loysn fyri CO2 útlátinum, tað sigur Jens Meinhard Rasmussen, formaðurin í reiðarafelagnum fyri føroysk handilsskip.

ES hevur samtykt eina yvirskipaða veðurlagslóg, ið sigur at samlaða CO2 útlátið skal verða minkað við 55% í 2030.

At leggja avgjald á eitt nú handilsskip, er eitt av teimum ítøkiligu lógaruppskotunum, ið ES hevur í hyggju at fremja.

Men sambært formanninum í reiðarafelagnum fyri føroysk handilsskip, so hevði vinnan vónað eina aðra altjóða loysn.