Sverri í finaluni í nátt

Sverri Sandberg Nielsen róði seg í nátt okkara tíð í finaluna á olympisku leikunum í Tokyo, og harvið gekk størsti dreymur hansara út: 

Sverri kom á mál sum nummar tvey í kappingini í einmansskullara - 2,39 sekund aftanfyri Stefanos Ntouskos úr Grikkalandi og 1,16 sekund frammanfyri Oliver Zeidler, sum ikki kom við í A-finaluna.

Hann endaði á fjórða plássi og kom tískil ikki við í finaluna.

Finalan í einmansskullara verður fríggjanáttina 30. juli klokkan 1:45 føroyska tíð - tað vil siga mitt undir ólavsøkuni.

Hinir fimm í finaluni eru Kjetil Borch úr Noregi, Damir Martin úr Kroatia, Mindaugas Griskonis úr Litava, Stefanos Ntouskos úr Grikkalandi og russiski Alexander Vyazovkin.