Nýggjur mentamálaráðharri í Danmark

Ane Halsboe-Jørgensen verður nýggjur mentamála- og kirkjumálaráðharri í Danmark.

Hon tekur við eftir Joy Mogensen, sum hevur lagt frá sær.

Jesper Petersen, sum hevur verið politiskur framsøgumaður hjá sosialdemokratunum á fólkatingi, verður ráðharri í útbúgvingar- og granskingarmálum eftir Ane Halsboe-Jørgensen.

Jesper Petersen

Jesper Petersen er nýggjur ráðharri í útbúgvingar- og granskingarmálum.

Mette Frederiksen, forsætisráðharri, er í løtuni á Amalienborg við nýggju ráðharrunum.

Borgarstjóri

Eftir fólkatingsvalið í 2019 gjørdist Joy Mogensen, sum var borgarstjóri í Roskilde, mentamálaráðharri.

Bæði framsøgufólk í mentamálum og mentanarlívið hava funnist nógv at Joy Mogensen.

Í gjár boðaði hon so frá, at hon legði frá sær, tí orkan er uppi, sum hon tekur til á Facebook. 

Joy Mogensen

Joy Mogensen hevur lagt frá sær sum mentamálaráðharri.