Hótt á sosialum miðlum

Dátueftirlitið og løgfrøðingur gera vart við, at tað er eins stórt brot á revsilógina at hótta fólk skrivliga sum munnliga.

Seinnapartin í dag sendi rektarin á Fróðskaparsetrinum Chik Collins út eitt lesarabræv, har hann fordømir hóttanir móti granskarum og undirvísarum í almenna orðaskiftinum.

Rektarin sigur, at Fróðskaparsetur Føroya harmast almikið um hetta og fordømir hetta rák.

Og hann sigur seg vóna, at føroyska samfelagið og myndugleikarnir eisini vilja fordøma rákið.

Vit høvdu ætlað at spurt løgregluna, hvussu nógv mál tey hava, og hvat tey gera við hesi málini, men tað hevur ikki eydnast okkum at fáa nakran í løgregluni at greiða frá hesum.

Løgreglan váttar kortini, at tey hava fleiri mál um hóttanir av hesum slagi.