Ridluskriði ein avbjóðing at endurvinna lívrunnið burturkast

Í løtuni ber ikki til at gera felags kommunala endurvinningarskipan fyri lívrunnið burturkast.

Tað sigur Súsanna Berg, umhvørvisleiðari hjá IRF.

Ridluskriði er ein avbjóðing, sigur hon, og eingin loysn er í løtuni. Ein verkætlan við biogassverki til lívrunnið burturkast er langt úti í framtíðini.

Meðan bíðað verður eftir einari stórari felagsloysn, fór IRF í fjør undir eina verkætlan, har fólk kundu fáa eina sonevnda bokashi-spann til at endurvinna lívrunnið burturkast. Fleiri enn 900 húski í landinum brúka bokhashi-spann.

Hoyr innslag í útvarpstíðindunum.