Erhard Joensen verður formaður í fíggjarnevndini

Løgtingið hevur einmælt samtykt eitt uppskot frá formonnunum í tingbólkunum hjá samgonguni og Sjálvstýri um at umskipa nakrar løgtingsnevndir, í sambandi við at Helgi Abrahamsen herfyri fór frá sum landsstýrismaður í umhvørvis- og vinnumálum, og Magnus Rasmussen tók við sum landsstýrismaður.

Broytingarnar hava við sær, at Erhard Joensen fer í fíggjarnevndina, har Magnus Rasmussen var formaður. Erhard Joensen verður nýggjur formaður í fíggjarnevndini.

Helgi Abrahamsen, sum er komin aftur í tingið, verður limur í rættarnevndini og landsstýrismálanevndini, og Edva Jacobsen verður limur í trivnaðarnevndini.