Evropeiska summarið var heitasta nakrantíð

Summarið í ár er tað heitasta, sum er mátað í Evropa.

Tað vísir ein uppgerð frá evropiska stovninum fyri veðurlagi, Copernicus.

Summarmánaðirnir í ár vóru sum heild 0,96 stig heitari enn miðal fyri árini 1991-2020, sum verður roknað sum nýggi normalurin, skrivar danska TV2.

Gomlu metini vóru frá 2010 og 2018. Summarið í ár var 0,1 stig heitari enn tey.

Ein av orsøkunum til metheita veðrið í summar eru hitabylgjurnar í juni, juli og august.

Í fleiri londum vórðu eisini hitamet skrásett undir hitabylgjunum

47,1 stig vórðu mátað í Grikkalandi, 47,4 stig í Spania og 48,8 stig á Sisilia, sum eisini var nýtt evropeiskt met.