Tríggir fáa Nobelheiðursløn í alisfrøði

Nobelheiðurslønin í alisfrøði verður í ár latin amerikanaranum Syukuro Manabe, sum er føddur í Japan, týskaranum Klaus Hasselmann, og italiumanninum Giorgio Parisi fyri arbeiðið at fata torskildar alisfrøðiligar skipanir í sambandi við eitt nú veðurlagsbroytingar.

Annar helmingurin av heiðurslønini fer til 90 ára gamla Manabe og Hasselmann fyri at eftirgera veðurlagið á jørðini og álítandi at spáa um alheims upphiting.

Hin helmingurin fer til Giorgio Parisi fyri at hava funnið sonevndar "duldar reglur"  at síggja til tilvildarligar flytingar í gassum og løgum.

Hetta er onnur Nobelheiðurslønin, sum verður avdúkað í hesi vikuni, eftir at amerikanararnir David Julius og Ardem Patapoutian mánadagin fingu heiðurslønina í medisini.

Seinni í hesi vikuni verða vinnarar í evnafrøði, bókmentum og búskapi eisini kunngjørdir, og vinnarin av friðarheiðurslønini verður eisini avdúkaður.