Anna Dam: H71 oftari í Evropa

Kvinnurnar spældu seg víðari í fyrstu royndini, og menninir taptu við tveimum ímóti sterka norska liðnum, Drammen HK, og hevur framvegis kjansin.

H71 stóð seg væl í European Cup um vikuskiftið, og tað fegnast forkvinnan í felagnum um. Hon sigur, at tað er ikki ósannlíkt, at hoyvíkingar oftari fara at spæla evropeiskan hondbólt komandi árini.

 - Hetta er eitt stórt fíggjarligt tak hjá felagnum, men vit royna at gera tað á bíligasta hátt, sigur Anna Dam.

Kvinnurnar spældu báðar dystirnar ímóti norðurmakedónska liðnum, Cair-Skopje, í Føroyum, meðan menninir skulu spæla returdyst í Norra næsta vikuskifti.

 - Vit fara at royna - eg kann ikki lova tað - og tað kemur sjálvandi eisini ann uppá, hvat lið vit hava. Tí fráfallið hjá okkum er stórt, sigur forkvinnan og vísir á, at nógvir H71-spælarar í løtuni spæla uttanlands.

- So vit meta um støðuna frá ári til ár.