Tær skulu merkja meir til okkum

 - Tær skulu merkja meir til okkum.

Tað sigur landsliðsvenjarin, Lene Terp, undan triðja HM-undankappingardystinum hjá landsliðnum við kvinnum ímóti Ukreina hósdagin.

 - So skulu vit halda fram at venja okkum við at hava bóltin, sigur venjarin.

Føroyar taptu stórt ímóti bæði Spania og Skotlandi í september, men Heidi Sevdal vónar, at tær kunnu spæla eitt sindur meir við ímóti Ukreina, sum ongan dyst hevur spælt í bólkinum enn.

 - Hetta er ikki Spania, hetta er ikki Skotland. Kanska kunnu vit koma eitt sindur longur fram á vøllin í verjustøðu, og kanska koma ímillum fleiri av teirra sendingum, sigur Heidi Sevdal.