Stórur partur av heimaflotanum liggur í løtuni

Nógv skip og nógvir bátar í heimaflotanum liggja í løtuni, skrivaði Fiskamarknaðurin fríggjadagin.

Eitt línuskip er við Ísland, og eitt er undir Føroyum.

Allir trolbátarnir liggja.

Garnaskip hava vánaligt fiskarí

Tvey garnaskip fiska svartkalva og hava vánaligt fiskarí. 

Hjá garnaskipinum, sum fiskar havtasku, er fiskaríið brúkiligt.

Flestu frystilínuskipini eru úti.

Annar djúpvatnstrolarin fiskar svartkalva, hin liggur við bryggju. 

Góður streymur - keðiligt veður

Hóast streymurin er góður, er veðrið ikki av tí besta, so nógvur útróður verður ikki í vikuni.

Partrolararnir eru teir flestu úti. 

Teir fiska upsa og hava nakað av hjáveiðu. 

Fiskaríið hjá teimum er smáligt, segði Fiskamarknaðurin fríggjadagin, tá hann metti um viku 43, sum er vikan, sum byrjaði á midnátt.