Landslæknin: Yvir 100 tilburðir í dag

25.10.2021 - 13:05

Innlendis›Heilsa

Koronasmittan breiðir seg skjótt í samfelagnum í løtuni, og landslæknin sigur, at talið av tilburðum í dag fer upp um 100, og at tey á Landslæknastovninum eru sperd

Uni L. Hansen

Marjun Dalsgaard

Sigmar Bláberg

Aktivera javascript

Koronakanningarnar í dag vísa, at meira enn 100 nýggir tilburðir eru staðfestir, sigur landslæknin

Mynd: Bjarni Árting Rubeksen

Metnógv smitta hevur verið staðfest seinastu dagarnar.

"Vit eru sperd í løtuni, so vit hava innkallað 10 fólk til at smittuspora," sigur Lars Fodgaard Møller, landslækni, sum ásannar, at tamarhald ikki er á støðuni.

"Talið av tilburðum verður yvir 100 í dag," viðgongur landslæknin.

Landslæknin, Lars Fodgaard Møller, tíðindafundur, Korona, Corona, Covid-19, smittuvandi,

Lars Fodgaard Møller mælir til, at føroyingar avmarka sosialu samveru næstu tíðina.

"Eg síggi fyri mær, at hetta bara er byrjanin, og at smittutølini fara at hækka. Tað, ið er umráðandi nú, er, at vit fáa tamarhald á smittuni aftur. Vit hava ikki upplivað so nógv smittu í Føroyum fyrr," sigur landslæknin.

Lars Fodggard Møller væntar, at høgu smittutølini verða atvoldin til, at fleiri fólk verða innløgd við koronu, eisini ung fólk.