Somu flokkar skipa væntandi stjórn í Íslandi

Nú meira enn ein mánaður er liðin, síðani valið var í Íslandi 25. september, er eingin stjórn skipað enn.

Men hon nærkast, skilst. 

Og tað vera somu flokkar, sum nú eru í stjórnini.

Morgunblaðið skrivar, at ramman um samgonguskjalið verður liðug um vikuskiftið.

Steðgur í samráðingunum

Síðani verður steðgur í samráðinginum, tí Katrín Jak­obs­dótt­ir, forsætisráðharri og forkvinna hjá teimum Vinstru grønu, fer á veðurlagsráðstevnuna í Glasgow, og Sig­urður Ingi Jó­hanns­son, ráðharri og formaður Framsóknarfloksins, fer á ársfundin hjá Norður­landaráðnum í Keypmannahavn.

So skjótt, sum tey koma aftur til Íslands, verður farið undir at gera samgonguskjalið liðugt, skrivar Morgunblaðið.

Flokkarnir eru tó ikki samdir um øll mál enn, millum annað um flóttafólkamál.